General Santos City–Nabalaka si City Councilor atty. Edmar Yumang ang pag padayon sa operasyon sa mga outlet sa STL (Small Town Lottery) sa syudad luyo paman sa pagpagawas ug cease and desist order ni Mayor Rivera aron temporaryong undangon ang operasyon sa mga nasangpit.
Sumala pa niini nga tungod sa maong panghitabo subli usab nilang ipatawag si Police Sr. Supt. Romeo Ruel Berango kabahin na niini ug manduan nga paundangon kini, apan ug dili matud pa kaya sa kapulisan ang maong tahas monaog matud pa sa barangay ang mga konsehal aron nga ang matag barangay usab ang mag patuman sa kamanduan sa mayor.
dugang pa ni Kagawad Yumang nga human ni pakanaog ug kamanduan ang Mayor gilayon usab nga nilibot sa mga STL outlet ang city permits and licensing division aron nga maghatag ug warning sa mga nasangpit ug kung dili gihapon sila mutuo mugamit na matud pa ug kusog ang Sanguniang Panlalawigan pinaagi sa barangay o kapulisan aron nga maundang na ang ilang operasyon. (Dave Silagan)
