*General Santos City—————- Gihagit ni Gensan City Councilor Atty. Jeng Gacal si Police Senior Superintendent Romeo Ruel Berango, OIC City Director sa Gensan City Police Office nga mupahawa sa iyaha posisyon kung dili niini kayang tumanon ang unsa mang mandato sa lokal nga panggamhanan.*
*Kung asa iyahang gipalagan ang subling pagpanakop sa kapulisan sa mga personahe nga nagapahigayon ug small town lottery luyo pa man sa pagbarog ni Col. Berango nga legal ang operasyon niini human nga gibuhian ang mga naunang dinakpan gumikan sa mga dokumentong gipakita sa mga personahe sa PCSO.*
*Gikwestyon man usab ni kagawad Gacal ang loyalty ni Col. Berango human ang maong panghitabo.** Samtang nagpasar ug kini ug resolusyon kung asa ginamanduan niini si Col. Berango nga ipa-undang ang tanang operasyon sa STL sa dakbayan.*
*Gumikan ilalom sa balaud, aduna’y katungod ang lokal nga panggamhanan nga direktahan ang kapulisan sa mga angayan niining himuon bisan na ang pag-appoint sa mga Chief of Police.*
*Apan, gipaklaro ni Kagawad Gacal nga ang gikasuko lang niini mao ang walay klarong baruganan sa kapulisan. Gani sunod semana, subli niyang ipatawag si Col. Berango aron sa pagtubag sa maong mga akusasyon.*
*Kung asa gikinahanglan matud pa nga ipaatubang kaniya ang mga pulis nga responsable sa maong pagpanakop. Higayon matud pa nga dili kini magpakita, mas maayong mupahawa nalang kini sa dakbayan sa GenSan.*
*Apil man usab sa gikasuko niini mao ang sumala pa insidente sa hulidap. Pag-angkon niya nga suko kini sa operasyon sa STL, apan dili niya gusto ang ginahimo kanila sa kapulisan.*
*Samtang sa kabahin ni Police Senior Superintendent Romeo Ruel Berango, gibutyag niya nga wala siya nagpakanaug ug direktiba nga magpahigayon ug operasyon batok STL sa dakbayan.*
*Pamahayag niya nga gumikan sa instruction nga nadawat sa mga Chief of Police nagpahigayon sila ug operasyon gumikan sa pagtuong gikan kaniya ang maong order.*
*Pagpaklaro niya nga sila sa kapulisan ang wala nasayud kung asa mulugar gumikan sa R.A 9649 nga national law ug ang balaud sa PCSO.*
*Dugang pa ni Col. Berango nga iyaha ng gipa-imbestigahan ang maong insidente gumikan siya maoy napasanginlan nga responsable sa paghatag ug direktiba sa kapulisan.*
*Saysay pa niini nga basi sa impormasyon si Police Superintendent Edgar Yago maoy naghatag ug direktiba gumikan sa sayop nga interpretasyon sa nahimo nilang command conference batok illegal gambling milabay nga adlaw’ng lunes ayha nahitabo ang pagpanakop.*
*Rason nga gihingusgan niya nga adunay ma-relib sa pwesto human sa maong panghitabo.**Kalabot niini, personal matud pa siya nagpadala ug sulat sa regional office aron sa pagrelib kang Police Superintendent Edgar Yago sa GSCPO.*
*Kung asa iyaha na matud pang gimanduan ang IDMB aron sa pagpahigayon ug imbestigasyon kalabot sa maong operasyon.*
*Samtang gibutyag niya nga andam siya sa subli niining pag-atubang sa hawanan sa konseho aron sa pagtubag sa unsa mang akusasyon batok kaniya.*
