Gibungkag sa kwerpo sa kapulisan ang matud pa “organized crime group” sa lungsod Jabonga, Agusan del Norte pinaagi sa pag-implementar sa search warrant nga giisyu sa korte.
Malampusong nadakpan ang usa ka brgy. Kagawad kinsa maoy gitudlong lider sa grupo.
Gipahayag ni PSI Franklin Gapana, hepe sa Jabonga Municipal Police Station nga nailhan ang suspek nga si Barangay Kagawad Jovanie Montesclaros sa Colorado, Jabonga Agusan del Norte.
Ang maong kagawad maoy sumala pa lider sa grupo ug laing suspek nga si Junmar Salino delos Santos, residenti sa brgy. Magsaysay sa susamang lungsod.
Base sa imbistigasyon sa Jabonga PNP nga usa ka grupong “gun for hire” ang gipanguluhan ni Kag. Montesclaros ug nalambigit usab sila matud pa sa extortion kon pagpangilkil sa mga gagmay’ng negosyante sa lungsod.
Dugang pa nga giimbistigahan karon sa kapulisan ang insidenti sa pagpamusil sa dakbayan sa Cabadbaran niadtong nakalabyang mga higayun tungod sa posibilidad nga adunay kalambigitan ang nasangpit nga grupo.
Nakuha gikan sa posisyon ni Kag. Montesclaros ang usa ka holster sa pistol lakip ang samurai apan nagtoo si PSI Gapana nga gitagoan sa suspek ang mga armas tungod sa intelligence report sa PNP nga naghupot ug mga high powered firearms ang suspek.
Samtang si delos Santos ang nakuhaan usab ug usa ka kalibre .45 nga pistola uban ang magazine ug duha ka buhing bala, dynamita, ammuniom nitrate, sachet sa shabu ug mga drug pharaphernalias.
Karong adlawa hayan nga pormal nga ipasaka sa Jabonga PNP ang mga kasong kalapasan sa RA 9516 kon Illegal Possession of Explosives, RA 10591 kon Illegal Possession of Firearmas ug RA 9165 kon Comprehensive Dangerous Drugs Act of 2002 batok sa
