General Santos City— Andam nga mangayo ug pasaylo si City Councilor Atty. Dominador Lagare Jr ngadto kang Atty. Arman Clarin, ang city legal officer human ang nahitabong tensyon tali sa duruha.
Sumala niya nga iyaha ng nakahinabi si Gensan City Mayor Ronnel Rivera ug nasayud na siya nga walagidawat sa mayor ang resignation letter ni Atty. Clarin, rason nga mas maayong siya nalang matud pa ang magpa-ubos aron nga mapabilin ang maayong working relationship nila sa ehikotibo.
Nangayo man usab kini ug pasaylo sa pamilya ni Atty. Clarin nga apil nga naapektuhan sa maong isyu ug napasakitan sa nasangpit nga expose, apan gipaklaro niini nga trabaho lang ang iyahang ginahimo ug walay personalan.
Pag-angkon niya nga ang pagpa-ubos nga iyahang gihimo ang alang sa kaayuhan sa dakbayan gumikan, tanang mga transaksyon hilabina ang alang sa transportasyon ang muagi gyud sa buhatan sa legal officer ug dili niya buot malangan ang unsa mang dokumento gumikan lang sa bangi nila ni Atty. Calrin.
