General Santos City–Gihatagan na ug DIREKTIBA ang kapulisan ni Gensan City Councilor Jose Edmar Yumang, Chairman sa komitiba sa peace and order sa konseho nga paspasan ang imbestigasyon sa pagpamusil-patay kang Baluan Barangay kag. Abdulmajid Mamalumpong kansa gipusil alas 8:00 ang takna sa buntag kagahapong adlawa.
Pamahayag niya nga gikatakdang magpahigayon ug mas lawom nga imbestigayson kung konektado ang naunang pagpusil patay sa biktima nga si Kagawad Omar Mamalumpong sa pagpusil sa iyahang igsuon nga si Abdulmajid.
Gani, higayon nga mugawas ang mga cctv footage, iyahang giplanuhan karon nga ipa-post kini sa social media alang sa mas daling ilhanan sa mga suspek sa tanang krimen nga nagakahitabo sa dakbayan.
Aminado usab si Kag. Yumang nga nalusutan gyud ang kapulisan sa nahitabong pagpamusil, kini gumikan adunay ordinansya ang syudad nga bawal ang angkas ug kini dapat nga i-implementa sa kapulisan.
Iyaha na matud pang gihatagan ug mandato ang kapulisan ilalom ni Police Col. Aden Lagradente nga sulbaron ang tanang krimen sa ilahang area of responsibility.
Apan gipaniguro ni Kag. Yumang nga nagpabiling manageable ang sitwasyon sa peace and order sa dakbayan luyo pa man sa mga nagakahitabong patay ug uban pang krimen.(LVR)
