General Santos City–Buot karon ni Kagawad Atty. Jose Edmar Yumang ang bag-ong chairman sa peace and order committee sa konseho nga pakusgan sa kapulisan ang ilahang police visibility aron nga makonhuran ang mga kremin sa kadalanan.
Sumala pa ni Kagawad Yumang nga gikinahanglan nga mamahimong madasigon ang kapulisan kabahin niini pinaagi sa pakig-alayon sa mga barangay ug purok aron nga mamahimong katabang sa pag-angkon ug luwas nga syudad.
Sa karon nakita matud pa ni Yumang nga bisan paman ug adunay programa ang goberno nga Prk. Laban Sa Kremin taas gihapon ang mga insidente sa kriminalidad sa syudad tungod kay wala matud pa nagamit sa kapulisan ang mga Prk ug Barangay Official sa ilahang pagkuha ug mga datus sa palibot.
Dugang pa ni Kagawad Yumang nga sa unang mga adlaw sa pag gunit niini sa komitiba sa peace and order iyahang pulungon ang mga kapitan sa matag barangay uban ang ilahang kagawad ug barangay tanod.
Pinaagi matud pa niini maobliga ang mga force multiplier nga mutabang sa kapulisan aron nga mapugngan ang mga krminalidad sa syudad pinaagi sa gilayon nga pag hatag ug impormasyon sa otoridad.
Gani duna na usay ordinansa nga na pasa si kagawad Yumang kabahin na niini ug aduna pay mga sugyot nga mga balaudnon nga iyahang ipasang-at sa hawanan sa konseho.(Dave Silagan)
