Lalaki gidunggab sa kainum, angol

General Santos City—Angol ang usa ka Roldan Calasag, legal age, residenti sa Purok Bangaga, Barangay Apopong, Gensan human kining gidunggab sa iyang kainum, alas 9:00 ang takna sa gabie didto ra usab sa ilang lugar.

Subay sa record sa Dr. Jorge Royeca Hospital hain nadala ang biktima, nag inum kini uban sa iyang mga higala apan dihang nangahubog, naglalis ang biktima ug usa sa iyang kainum nga misangko sa pagpanunggab.

Nakaangkon ug samad sa iyang likod ug sa iyang ulo ang biktima kansa daling gidala sa balay tambalanan human sa insidenti.


Sa karon nagpadayon ang gihimong imbistigasyon sa kapulisan kalabutan sa insidenti.

Facebook Comments