Davao City – Dili gihapon malimod sa local officials sa Davao nga nagpabilin ang kahadlok sa mga Dabawenyos sa COVID-19 vaccine.
Atol sa interview sa DXDC RMN Davao kang Davao City Councilor and Committee on Health Chair Dr. Joselle Villafuerte, giingon sa opisyal nga subay kini sa ilang pag-monitor sa kabarangayan sa syudad ingon man ang paghatag nila og edukasyon bahin sa COVID vaccine.
“Admittedly and honestly, pag abot nato sa barangay naa gyud sila’y kahadlok. You know these are new vaccines, nahadlok sila nga basin gipaspas ang paghimo ani,” segun ni Villafuerte.
Apan gi-awhag sa konsehal ang mga Dabawenyos nga lakip sa priority list sa COVID vaccine nga magpalista ug magpabakuna na diin way angay kabalak-an niini gumikan sama usab sa ubang vaccines nga namugna sa mga experto sa pipila ka outbreaks sa kalibutan, gitutukan ug gitun-an kini pag-ayo.
“And at the same time, almost immediately, countries, leaders especially those coming from rich countries immediately released funds so that vaccines could be developed,” segun ni Villafuerte.
RadyoMaN Renz Barbarona
