Gumikan sa kakulangon sa magrepresenta sa mga kabatan-onang Indigenous People’s (IPs) sa probinsya sa Bukidnon maong natukod ang Bukidnon Tribal Youth Ambassadors (BTYA).
Sa interview sa RMN Malaybalay ngadto kang Lovelyn Jean Bagna, ang BTYA Vice President gibutyag niini nga nagsugod ang katukoran sa maong organisasyon adtong 2012 sa pagpaningkamot sa usa ka batan-ong lumad nga mairepresenta ang mga kabatan-onang IP’s sa probinsya.
Dugang pa niya nga sa karon padayon gihapon nga gapakasinati og diskriminasyon ang mga kabatan-onang IP’s ug ang tribu nagpabiling ubos sa kalisud.
Dugang pa niya nga tumong sa BTYA nga mahimong tingog sa mga kabatan-onang lumad aron madungog sa gobyerno ang mga problema o panghitabo ngadto sa tagsa-tagsa ka mga komunidad.
Lakip na usab ang pagpreserbar, pagprotektar, ug pagpromotar sa mga kultura ug tradisyon ug sa katungod sa mga kabatan-onang IPs.
Facebook Comments
