Davao City-Nangandam na ang Davao City Police Office sa pagbantay sa seguridad sa katawhan nga mubisita sa mga sementeryo ning dakbayan atol sa adlaw sa mga patay.
Gipamahayag ni Police Sr. Insp. Maria Therisita Plaza Gaspan ang spokesperson sa DCPO nga ila pang giplastar una ang security plan kun unsa ang angay himuon ingon man kun pila ka mga police ang i-deploy ngadto sa mga sementeryo nga ilang bantayan.
Gidugang ni Gaspan nga ila pang han-ayon ang security plan posible karong katapusan sa Oktubre diin masayran na ang pinal nga pagplano ingon man kun pila ka sakop sa kapulisan ang ipang assign.
Sa pikas bahin giingon usab ni City Transport and Traffic Management Office Head Dionisio Abude nga nangandam na sab ang ilang buhatan alang sa bulan sa Nobyembre.
Giingon ni Abude nga nag request na sila og dugang signages ug re-routing advisories ilabi na diha sa mga sementeryo diin kusog ang bul-og sa mga tawo.
Hangyo ni Abude sa katawhan nga kung mahimo likayan ang pagdala og pribadong sakyanan aron dili musamot ang kahuot sa trapiko nianang mga adlawa.
RadyoMan Don Pulayao
