Davao City – Sikop sa kamot sa mga awtoridad ang lima ka mga lalaki kinsa naaktuhang nag-pot session nahitabo sa alas-6:55 sa gabii sa Purok 1-B, Bacuring, Barangay Madaum, Tagum City.
Balhog na sa Tagum City Police Station sila si Enrique Principe, 31-anyos, minyo, konduktor, ug residente sa Purok Bagsakan, Visayan Village, Tagum City; Rogelio Melgazo, 54-anyos, minyo, residente of Purok 76, Matina, Davao City; Loreto Ustan, 52-anyos, minyo, driver, residente sa Purok 76, Matina, Davao City; Arnel Mercado, 33-anyos, ulitawo, driver, nagpuyo sa Purok Mangga, Gredu, Panabo City ug Jetcyl Mango Agtong, 23-anyos, minyo, residente sa Purok 6, Brgy. Minda, Carmen, Davao Del Norte samtang nakaikyas si Wilmar Pabaya kinsa target sa buy-bust operation.
Narekober sa mga dinakpan ang pito ka pakete sa gituohang shabu ug ubang drug paraphernalia.
Kasamtangang ginahikay na sa kapulisan ang kasong kalapasan sa Republic Act 9165 kun Comprehensive Dangerous Drugs Act of 2002 batok sa mga dinakpan.
RadyoMan Jason Amisola
