Davao City – Gipasigarbo sa Task Force Davao ang ilang dagkong kalampusan batok sa mga kontrabandos ug ilegal nga mga armas kansang gisuwayan og pasulod sa dakbayan sa Davao.
Gibutyag ni TF Davao Commander Army Coronel Darren Comia, pipila sa dagkong accomplishment nga ilang nakab-ot gikan tuig 2021 hangtud karon, mao ang pagkakumpiska sa 134 ka mga armas (Long and Short Firearms) sa tulo ka mga Border Checkpoint.
Matud ni Comia, ang pinakadaghang mga armas nga ilang naharang gikan sa Barangay Lacson Checkpoint, kung asa ubay-ubay sa tag-as nga mga armas nga walay lisensya ang gisuwayan og palusot, apan na-intercept kini pag-abot sa checkpoint.
Usa pa sa pinakadakong kalampusan, mao ang pagkakompiska sa shabu ug marijuana nga motimbang tanan og kapin singko mil (5,000) ka gramos nga mukantidad tanan og kapin P30M.
RdyoMaN Joel Viray
Facebook Comments
