Padayon karong giimbistigahan sa kapolisan sa Kalilangan Municipal Police Station sa Kalilangan, Bukidnon, kung kinsa ang mga suspek nga mipatay sa 45 anyos nga mag-uumang si Jerry Buagas.
Nadiskobre ang patayng lawas sa biktima sa mga residente sa Sitio Manubiray, Barangay Lampanusan sa maong Lungsod, human kini nakalutan sa usa ka mag-uuma pasado ala una sa hapon niadtong miaging adlaw.
Tungod niini, gilayon silang mitawag sa kapolisan kinsa dali usab nga miresponde sa maong dapit.
Samtang….
Basi sa imbistigasyon nilang SPO2 Ampi Ali sa Kalilangan PNP , nga niadto pang Marso 28 nawala si Buagas human wala na kini makauli sa ilang pinuy-anan gikan milakaw.
Nasayran nga ang patayng lawas sa biktima ang giputos sa habol ug gitabonan sa sako ug anaa na sa pagkadugta.
Nadiskobre usab nga adunay tinigbasan sa tiil nga bahin niini ug nadeporma na ang bukton, ayha gilubong sa umahan nga gipanag-iyahan sa usa ka Lelibeth Caspie saa maong dapit.
Nagtuo usab ang kapolisan nga personal nga bangi ang motibo sa pagpatay sa biktima.
