General Santos City—Labihang gikasubo sa mga kabanay ug mga paryente ni Barangay Calumpang Kagawad Pinky Malalis ang kalit nga kamatayon niini samtang anaa sa ospital sa Brgy. Calumpang dinhi sa Gensan.
Kahibaluan mitaliwan na ang konsehal sa edad 59 human matud pa kining gitabang tungod sa gibati nga pagpanakit sa iyang lawas.
Sumala sa umagad niini nga si Daralyn, kalit nga mireklamo sa iyang gibati si kagawad Pinky apan wala nila damha nga kadto na maoy mahimong hinungdan sa iyang kamatayon.
Dugang pamahayag ni Daralyn nga base sa findings sa doctor, cardiac arrest ang hinungdan sa kamatayon sa iyang ugangan.
Sukad-sukad matud pa wala man nakasinati ug susamang pag-atake ang konsehal luyo pa man sa edad niini.
Giangkon ni Daralyn nga kanunayng busy ang iyang ugangan gumikan na usab sa mga trabahuon niini sa barangay isip usa ka konsehal. (Jordan Britos)
