BACOLOD CITY – Ginreklamo sang isa ka lalaki ang iya ka-live nga babayi sang pagpang-sakit sa iya pisikal kahapon sang kaagahon sa Brgy. Estefania.
Ang biktima isa ka 20 anyos nga lalaki, pumuluyo sang amo nga Brgy. Estefania samtang ang ginareklamo naman nga live-in, isa ka 19 anyos nga babayi nga pumuluyo sang Brgy. 35, Bacolod City.
Sa iya pagpadulong sa Police Station 1, ginpahayag sang complainant nga may mga la una sang kaagahon kahapon, nakibot na lamang bangud nga sa wala mahibaluan nga rason ini siya ang hinali na gid lamang nga ginsakit sang iya ka-live in.
Suno sa biktima, ginsipa siya sa ulo sang amo nga babai, gin-guramos kag gin gan-it pa ang buhok.
Bangud sini, masinulub-on nga nagpadulong sa istasyon sang police ang lalaki agud ireklamo sang physical injuries ang iya ka live in./dyHB BACOLOD
