Nagpaggwa sang clarificatory guidelines angot sa pagpatuman sang zero collection sa moving-up kag graduation ceremonies ang pamunuan sang Department of Education ukon Dep. Ed. 12 tungod nagapadayon sa gihapon ang pagpangsolicit kag pagpangolekta sang pipila ka mga eskwelahan sa rehiyon.
Ini matapos suno kay Dr. Allan Farnazo, Regional Director sang Dep. Ed. 12 nga siya mismo ang nasolisitan.
May-angot sini, suno sa Dep. Ed. Regional Director ginpauntat niya na ang ginapatuman nga solicitation para sa souvenir program kag sa subong hugot niya nga ginapamonitor ang nasambit nga buluhaton.
Paklaro pa niya nga ginatugutan man ang mga eskwelahan nga gamiton ang ila nga maintenance and other operating expenses nga P250.00 kada estudyante kag yara man sa guidelines nga mangin simple ang aktibidad kag i-obserbar ang economic condition sang komunidad.
Bukas man suno pa ang iya talatapan sa reklamo basta komprehensibo lamang suno pa agud nga maaksyunan.
