Gipaabot sa RMN-DXCC, pinaagi ni Radyoman ug Konsehal Zaldy Ocon ang pagkamatay sa usa ka Regine Ronda Abragan, nga nanganak sa City hospital ubos sa CS Operation niadtong tuig 2016.
Matud sa iyaan sa biktima nga si Wilma Amorosa- nga ilang gikalibogan ang petsa sa mga dokomento sa kamatayon sa iyang pag-umangkon.
Nasayran nga sa Certificate of Death sa biktima, namatay kini niadtong Oktobre 4, 2016 apan sa request form sa dugo naka-petsa kini niadtong Oktobre 6 sa samang tuiga.
Ang pangutana karon sa pamilya, kung nganung giabunuhan pa og dugo nga patay naman ang ilang pasyente.
Dugang pa ni Amorosa, nga Octobre 5, 2016- ila mismong naistorya ang doctor ug gibutyag niini, nga wala pa nakamata ang ilang pasyente tungod sa anesthesia nga gidapat sa biktima.
