Padayon nga giimbestigahan sa police station 4 Carmen ang pagpakamatay sa usa ka dalaga gamit ang pisi nga gihikot sa iyang liog.
Naila ang dalaga nga si Dian Paosteno 23-anyos lumad sa talakag, bukidnon ug kasamtangang nagtrabaho sa usa ka panimalay sa Sta Barbara, subdivision, kauswagan ning dakbayan.
Gibutyag ni police station 4 Carmen investigator SPO4 Fernando Lasponia nga sa ilang inisyal nga imbestigasyon wala misugot ang maong babaye nga makigminyo sa usa ka lalaking wala niya magustuhi ug tungod sa iyang kaguol nakahuna huna kini sa pagkapamatay.
Dugang pa ni Lasponia nga kung diskompyado ang pamilya niini mas maayong ipaubos sa autopsy aron masayran kung kini naghikog o wala.
Facebook Comments
