General Santos City—Gikumperma ni Police Major Bernie Faldas, hepe sa Tboli PNP nga depresyon ang usa sa hinungdan nganong gikutlo sa usa ka inahan ang iyang kaugalingong kinabuhi nga si alyas Rosita, 43 anyos, bulag sa asawa ug nanimuyo sa Purok Lugan 3, Brgy. Poblacion, Tboli South Cotabato niadtong milabay nga adlaw pasado ala 1:00 ang takna sa buntag.
Sumala pa ni Faldas nga dugay nang problema sa nasampit ang iyang mga anak gumikan kay nahiubos kini tungod kay wala natuman niini ang pangandoy nga makahuman sa pag eskwela ang iyang mga anak aron mahatagan ug maayong kaugmaon inay nagminyo hinuon nga walay mga trabaho kung asa ang nasampit lamang gihapon ang nagbuhi sa pamilya sa iyang mga anak
Saysay usab sa opisyal nga nadawat man usab sa pamilya ingon man ang igsoon sa nasampit ang panghitabo gumikan kay duna nay mga sinyales nga gabilin-bilin ang nasampit pinaagi sa mga text nga gusto na niyang kutluon ang iyang kinabuhi.
Basi sa imbestigasyon sa kapulisan walay nakitang foul play sa kamatayon niini gumikan kay nakakandado ang pultahan ug nag inusara lamang kini sa kwarto. (Reynald Timario)
