General Santos City—gituohang balatian ang hinungdan sa kamatayon sa usa ka preso sa Gensan City Reformatory Center nga una nang nakaplagang patay sa iyang silda, kaadlawon kagahapong adlawa.
Ang nasangpit nga preso giilang si James Gaspar Romero, 48, minyo, residente sa San Pedro St., Brgy Lagao ning dakbayan.
Kahinumduman nga una nang nakaplagan sa iyang mga kaubanan ang nahisgutan nga nanggahi na sulod sa ilang silda mao nga sila nagpakitabang sa mga jail Guards. Gidala pa sa pampublikong ospital ang nasangpit apan gideklara kining dead on arrival
Sa gihimong imbistigasyon sa awtoridad walay nakit-ang mga gimailhan nga kini gipatay o gipasakitan. Sa kasamtangan gipahiluna na sa iyang pamilya ang nasangpit nga preso.
Facebook Comments
