BACOLOD CITY – Wala sang may ginalantaw nga foul play ang mga utoridad sa kamatayon sang isa ka lalaki sa sulod sang isa ka lodging house kahapon sang hapon diri sa ciudad sang Bacolod.
Suno sa imbestigasyon sang mga katapo sang police, ang biktima, isa ka 42 anyos nga lalaki, kasado kag pumuluyo sang isa ka barangay diri sa ciudad sang Bacolod.
Samtang, kaupod naman sang biktima sa sulod sang amo nga lodging house ang isa ka 53 anyos nga babayi, kasado man kag pumuluyo sang Bacolod.
Ginpahayag nga may mga la 1:10 kahapon sang hapon, nagsulod ang duha sa isa ka lodging house sakay sang ila traysikol.
Apang matapos ang halos 40 minutos, hinali na lamang nga natumba ang lalaki gani ini ang gindala sa Corazon Locsin Montelibano Memorial Regional Hospital apang ini ang gindeklarar dead on arrival.
Angut sini, inisyal nga impormasyon nga nabaton sang mga nga nagpangimon gali ang biktima sa kaupod niya nga babayi kon diin ini sila ang naglalisay kag sang ulihi natumba na lamang ang amo nga lalaki./dyHB BACOLOD
