Nangalapnos ang mga kamot ug tiil sa usa ka bata human mibuto ang gi-charge nga tablet sa Jasaan, Misamis Oriental.
Nasayran nga natulog lang ang biktima sulod sa kwarto sa iyang inahan dihang kalit nga mibuto ang tablet ug naigo ang bata.
Gituohan nga nag-overheat kini hinungdan nga nibuto.
Sa karon padayon pa nga gitambalan sa hospital ang nasangpit nga biktima.
Samtang, giangkon sa Bureau of Fire Protection kon B-F-P Jasaan Fire station nga wala na report kanila ang maong insidente.
Matud sa BFP nga wala sila magkulang sa pagpahimangno sa ilang area ug dili malimot sa pag-ibot sa mga nakapansak nga mga appliances ilabi na kung matulog.
Tungod niini, padayon ang pahimangno sa BFP nga magbinantayon sa mga butang nga posibleng maoy hinungdan sa sunog.
