General Santos City— Mas gipahugtan sa mga lokalidad sa Rehiyon 12 ang kampanya batok terorismo. Kini ang gikumpirma ni Police Senior Supirentendent Leonardo Suan, ang Deputy Regional Director for Operations sa Police Regional Office 12.
Sumala ni Col. Suan nga suportado sa mga lokal nga panggamhanan ang kampanya sa kapulisan batok terorismo. Gani ang pinaka bag-ong LGU sa rehiyon 12 nga nagmugna ug lakang mao ang Kidapawan City kung asa sobli nilang gibuhi ang Task Group Kidapawan aron makatabang sa kampanya batok terorismo.
Sumala sa opisyal nga kini dakong tabang sa ilahang kampanya. Pinaage sa Task Group Kidapawan mahatagan ug dugang pwersa ang kapulisan sa pagpahigayon ug checkpoint ingon man visibility.
Dugang matud pa kining pwersa sa kapulisan ug kasundaluhan. Sa kasamtangan mokabat lamang sa 75 ka mga Cafgu, ug 25 ka mga sundalo gikan sa 39th IB ang anaa kanila.
Unang giangkon ni Mayor Joseph Evangelista nga kulang gyud ang resources sa militar hilabi na nga halos tanang himan ang anaa sa Marawi gumikan sa nagpadayong kagubot.
