Ivisan, Capiz – Dakop sa ginpatigayon nga drug buy bust operation sang kapulisan ang 19-anyos nga lalaki sa Poblacion Norte, Ivisan, Capiz kagab-i.
Apat ka sachet sang suspected shabu ang nakuha sa suspek nga ginkilala kay John Rey Alejaga sang Sitio Liboo, Barangay Balucuan, Sigma, Capiz. Narekober man sang mga kapulisan ang P500 nga marked money kag mga drug paraphernalia.
Nahibaluan nga isa ka newly identified drug personality ang nasambit nga suspek kun sa diin ginpaidalom sa monitoring sang kapulisan ang illegal sini nga buluhaton. Ang nasambit nga operasyon ang ginpangunahan ni ni Police Senior Inspector Rene Hare, officer-in-charge sang Ivisan Municipal Police Station.
Nakahunong na sa karsel sang amo nga police station ang suspek kag natalana nga pagapasakaan sang kaso nga pagbayular sang RA 9165 ukon Comprehensive Dangerous Drug act of 2002.
