Pontevdra, Capiz – Dakop sa ginpatigayn nga nga drug buy bust operation sang gintingub nga puwersa sang Provincial Drug Enforcement Unit kag Pontevedra PNP ang duha ka mga persona sa Barangay Malag-it, Pontevedra, Capiz.
Ginkilala ang mga suspek nga sanday Napoleon Bones, 33 anyos, residente sang Barangay Takas, Pontevedra, Capiz kag Joey Felarca, 20 anyos, sang Barangay Duran, Dumalag, Capiz. Nakuha sa kamot sang mga nadakpan ang 15 tanan ka sachets sang suspected shabu, 800 pesos nga marked money, isa ka .38 caliber nga armas-luthang kag duha ka mga bala.
Narekober man sang mga kapulisan ang duha ka unit sang cellphone kag isa ka itom nga motorsiklo. Magapangatubang sang kaso nga paglapas sa Republic Act 9165 ukon Comprehensive Dangerous Drugs Act of 2002 sanday Bones kag Felarca. Ang nasambit nga mga suspek ang nakahunong na sa karsel sang Pontevedra Municipal Police Station.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
