Padayon nga kampanya kontra iligal nga druga ang ginapasalig sang bag-o nagpungko nga provincial director sang Negros Occidental Police Provincial Office (NOCPPO).
Sa interview sang DYHB kay Col. Romy Palgue, ginpahayag sini nga sa ila pag-istorya ni Governor Eugenio Jose Lacson ila ginhambalan ang padayon nga kampanya kontra iligal nga druga kag ini man ang iya ginpalab-ot sa iya mga nasakupan sa ila ginpatigayon nga command conference.
Kadungan sini, ginpanugayan sang NOCPPO director ang mga pulis nga naga-intra sa iligal nga druga nga magbag-o na kag magpalapit sa iya samtang indi pa ulihi ang tanan.
Magluwas sa iligal nga druga, ginapasalig man ni Palgue ang padayon nga away kontra insurhensiya sa Negros Occidental.Si Palgue ang nagbulos kay Col. Romeo Baleros nga nag-retiro na sang Hunyo 6, 2020.
[image: image.png]
