Malampusong gilusad kagahapon ang “Sabayang Patak Kontra Polio” pinaagi sa Department of Health (DOH) Caraga sulod sa Robinsons Place ning syudad sa Butuan.
Pamahayag ni DOH Reg’l Director Dr. Jose Llacuna, Jr nga human sa launching kagahapon nakatakdang himoon ang pagbakuna sa mga puya nga nag-edad ug zero hangtud 59 ka buwan diha sa gitakdang mga Patak Centers sa matag barangay.
Ang Sabayang Patak Kontra Polio dungan gilusad sa tibook Mindanao human adunay 6 ang nagpositibo.
Niya pa nga kinahanglan kumpletohon sa mga ginikanan ang duha ka rounds sa pagbakuna diin ang round 1 gisugdan kagahapon ug matapos karong Disyembre 7, 2019 samtang ang round 2 gitakda karong Enero 5 hangtud 17, 2020.
Naalarma an gang DOH human mibalik ang polio virus dinhi sa Pilipinas sulod saa 19 ka tuig nga gideklrang polio free ang nasud.
Niapilar si Dr. Llacuna sa mga ginikanan nga kalimtan na ang kahadlok sa dengvaxia ug kinahanglan pabakunahan ang mga puya aron malikayan ang pagtakboy sa maong sakit (with report archer capadeso/ ivy falcone). [image: polio 4.jpg]
