Davao City – Gibanabana nga moabot sa 30 ka pamilya ang anaa pa sa Guadalupe Village, Matina Crossing, Davao City, kinsa posibleng atubangon ang kasong trespassing kon magpadayon sa pagdumili sa paghawa sa maong yuta.
Sumala kang Ariel Marañon, representante sa pamilyang Lui, Miyerkules, Marso 4, mao ang gitakdang katapusang adlaw nga gihatag sa nabiling mga residente aron mag-self-demolish o boluntaryong muhawa sa lugar.
Gipasabot ni Marañon nga kon magmagahi gihapon ang mga pamilya, trespassing ang posibleng ikaso batok kanila. Ang maong yuta, nga kapin sa 24 ka ektarya ang gilapdon, napalit, matud pa, sa pamilyang Lui gikan sa pamilyang Arroyo niadtong 1997.
Gani, nasayran nga niadtong 2019 pa gilusad ang negosasyon tali sa pamilyang Lui ug mga settler, una pa misulod ang pandemya, aron mahatagan og solusyon ang dugay nang isyu sa maong yuta.
RadyoMaN Kareen Beltran
Facebook Comments
