Bacolod City – Magacompete sa 2nd Asian Cadet Taekwondo Poomsae Championships sa Ho Chi Minh City ang Palarong Pambansa 2017 standout nga si Jamie Hannah Agaloos sang Bacolod City.
Ini ang patigayunon humalin Hunyo 6 tubtob 8, 2017. Si Agaloos, ang naga-edad sang 12 anyos ang nakakuha sang gold medal sa kyorugi kag individual poomsae.
Silver naman ang nakuha niya sa poomsae team event para sa Region XVIII ukon Negros Island Region sa Palaro nga ginpatigayon sang probinsya sang Antique sang nakaligad.
Si Agaloos ang 7th Grader sang Tangub Christian Academy Inc. sa idalom sang paghinakop sang Negros Taekwondo Union Tigers sa Bacolod.
Maga-umpisa na ang training sang Philippine team sa May 17 tubtob June 3 sa Philippine Taekwondo Central Gym sa Malate, Manila bilang pagpanghanda sa Asian tournament.
Sa over-all medal count sang Palaro 2017, ang Negros Island Region ang nakakuha sang 26 ka gold, 27 ka silver kag 36 ka bronze nga nagbutang naman sa NIR Region XVIII sa ikaapat nga pwesto.
