Kandidato nga masapong mangampanya sa dili pa ang campaign period, mahimong pasakahan og premature campaining

Mahimong mapasakahan og premature campaining ang usa ka kandidato nga masapong mangampanya sa dili pa ang campaign period.

Matud ni Atty. Ernie Palanan, ang Provincial election Supervisor 3 sa Surigao del Sur, nga mahimo kining gamiton isip basihan aron nga ma-disqualify ang usa ka kandidato.

Dugang pa ni Atty. Palanan, nga mahimong ireklamo sa mga residente kung adunay magpahigayon og premature campaining sa ilang lugar, aron kini nga maaksiyunan.

Aron nga mas lig-on ang ebidensiya sa usa ka sumbong, mahimong kuhaan sa mga residente og picture or video ang usa ka kandidato, samtang nagpahigayun sa pagpangampanya.