Tulo sa upat ka mga akusado sa kasong illegal drugs ang nakit-ang sad-an basi sa Joint Decision nga gipakana-og ni Judge Gil Bollozos sa Regional Trial Court Branch 21 niadtong July 5, 2019.
Lakip sa tulo ka mga convicted silang John Rey Roa, Porferio Roa Jr. ug Atty. Michael Roa nga kanhi Board member sa Misamis Oriental.
Samtang ang kaso ni Justine Mae Pundavela, wala pay desisyon.
“The warrant of arrest issued against Justine Mae Pundavela absconded stand” matud pa sa decision ni Judge Bollozos.
Matud ni Regional State Prosecutor Merlyn Uy nga misibat si Pundavela human naka-piyansa sa kasong pagsupak sa section 15, Article II ug Republic act 9165 kon drug using.
“Naka-jump bail man gud ni siya ug misibat, isyohan napud ni siya ug warrant” matud ni Uy.
Sigon sa 17 ka pahinang Joint decision ni Judge Bollozos, nagbutyag nga ang silot si John Rey Roa, ipa-ilawom lamang sa minimum six months nga rehabilitation sulod sa government rehab center.
Matud ni Judge Bollozos nga “first Offender” sa drug si John Rey busan rehab lamang ang iyang sentensiya.
Samtang si Porferio Roa Jr. ug Atty. Michael Roa, gisilotan ni Judge Bollozos sa pagkabilanggo sa tibook kinabuhi.
Gimandoan pa ni Judge Bollozos si Porferio ug Michael nga magbayad sa multa nga tag 400-thousand pesos kada usa kanila.
Ang maong Joint Decision, gipirmahan ni Judge Bollozos niadtong July 5, 2019 ug gipagawas sa prosecution kagahapong adlawa ug nakuha sa dxCC-RMN ang kopya niini.
Ang maong kaso nagsugod mga alas singko sa buntag niadtong November 10, 2016 sa dihang ang balay ni atty. Michel Roa didto sa Barangay 5, Balingasag, Misamis Oriental gi-raid sa mga elemento sa Philippine Drug Enforcement Agency kon PDEA, gamit ang search warrant ni Judge Mirabeaus Undalok, Executive Judge sa Regional Trial court Branch 43 sa Gingoog City.
Sigon sa maong operation, nasapon sa PDEA si Atty. Michael Roa nga naa sa iyang possession ang usa ka dakong plastic sachet nga dunay sulod nga suspected SHABU ug lain pang upat ka Medium plastic sachet ug duha ka gagmaynga sachet nga ang tanan mokabat sa 32.7791 grams.
Samtang nakuha usab sa PDEA gikan sa Possession ni Porferio Roa ang upat ka paketeng suspected SHABU nga mikabat sa 24.8824 grams.
Matud sa Korte nga si Michael ug Porferio, ilang nakit-an nga sad-an sa ilang paghupot sa illegal drugs nga violation sa section 11, Article II of Republic Act. 9165 kon illegal possession of illegal drug.
Si John Rey Roa ug Justine Mae Pundavela, wala makuha-e sa illegal drugs apan nakit-an kini nga “Positive” na naggamit sa gidiling druga busa kasong drug using ang ilang gi-atubang sa husgado.
“Verily, evaluating the evidence of the prosecution, the court finds all accused guilty beyond reasonable doubt” matud sa Joint decision ni Judge Bollozos.
