Patay ang usa ka kanhi kapitan sa brgy, Mias, lungsod sa katipunan sakop ning probinsya sa Zamboanga del norte niadtong adlawng Domingo sa may 9:14PM kapin kun kulang, human kini gipusil sa wala mailang mga indibidwal.
Ang biktima mao si Kanhi Kapitan Omar Generoso Bayron, kinsa gipusil sa wala mailang kreminal sa setrong bahin sa nahisgutan nga barangay.
Base sa saysay sa naka saksi sa maong panghitabo ang biktima mao si kanhi kapitan Bayron anaa kini sa panimalay sa iyang ig-agaw uban sa iyang mga kaila ug barkada nga nag storyahanay.
Niadtong tungura kalit lang miabot matod pa ang mga armado sakay sa Honda XRM ug sa walay daghang pangutana, dayong pusil kini ngadto sa biktima.
Sa nahimong pag imbistiga ni PO2 Edrian S. Alinsangan nakuha sa lugar nahitaboan ang upat ka basyo sa bala sa M16 Rifle, samtang nakaangkon ug duha ka samad pinusilan sa likod nga bahin ang biktima, dali kining gidala sa balay tambalanan apan pipila lang ka minuto gibawian ra usab kini sa iyang hinulamang kinabuhi.
Kahibaloan nga si kanhi kapitan Bayron, nalakip kini sa listahan nga gipagawas sa Philippines drug enforcement Agency (PDEA) nga matod pa nalambigit kini sa droga, apan hugtanon kining gihimakak ni Kapitan Bayron nga wala siya nalambigit bisan kanus a sa droga.
Padayon pa karon ang pagpangalap ug dugang impormasyon ang kapulisan sa Katipunan aron masayran kun unsay nagpaluyong motibo sa maong pagpamusil nga gikamatay ni kanhi Kapitan Omar Bayron.
