By: Joanna Ricote
Nag-atubang karon sa kasong graft ang kanhi mayor sa munisipalidad sa Jasaan Misamis Oriental ug mga miembro sa Bids and Awards Committee.
Nasayran nga nag-atubang kini sa kasong one count of violation sa Section 3(e) sa Anti-Graft and Corrupt Practices Act sa ilalom sa Republic Act No. 3019 sa pagpabor kay Warren Gaurana, ang tag-iya sa WGG Concrete Products ug Mini Hardware.
Lakip sa nag-atubang sa kasong graft sila BAC Chairperson Leo Casiño, Vice-Chairperson Mark Allan Bagayna, members Liza Gaurana, Emrick Tabequero, Arlene Dacoco ug Warren Gaurana, human matud pa nagkasinabot kini sa bidding process alang sa kinahanglanon nga supply sa construction materials sa road concreting project sa Sitio Igpit, Luz Banzon, Jasaan Misamis Oriental.
Nasayran nga midaog sa bidding niadtong July 2015 ang WGG nga gipanag-iyahan ni Warren Gaurana ang asawa ni BAC member, Liza Gaurana.
Matud ni Warren Guarana, nga ang kadaugan niini sa bidding, walay kalabutan sa iyang relasyon kay BAC member Liza Guarana.
Basi sa gipagawas nga resolusyon sa Ombudsman, dili matud pa kwalipikadong bidder ang WGG hinungdan nga dili makatarunganon nga i-award kaniya ang maong proyekto.
Nasayran usab nga si BAC member Liza Guaran, ang aktibong misalmot sa BAC proceedings, nga gipahigayon niadtong July 24, 2015, ug mipirma sa BAC resolution nga nag deklara sa WGG isip bidder with the Single Calculated and Responsive Bid.
