Gikumpirma ni Police Chief Master Sergeant Jeffrey Borres sa Mahinog, Camiguin Municipal Police Station ang pagdakop sa Criminal Investigation and Detection Group kon C-I-D-G kang kanhi Mayor Alex Rullon Jajalla.
Matud ni Chief Master Sergeant Borres nga gidakop si Jajalla pinaagi sa warrant of arrest sa panimalay niini mismo sa Hubangon, Mahinog pasado alas 5:19 kagahapon sa hapon adlawng Miyerkules.
Nasayran nga gidakop sa CIDG si Jajalla tungod sa kalapasan sa Republic Act 3019 o Anti Graft and Corrupt Practices Act.
Dugang pa ni Borres nga sayo nga gikuha sa CIDG kaganinang kadlawon si kanhi Mayor Jajalla aron nga isakay kini sa lantsa padulong Balingoan, Misamis Oriental ug Cagayan de Oro.
Facebook Comments
