Gisikop sa Criminal Investigation and Detection Group kon C-I-D-G Cagayan de Oro si kanhi Misamis Oriental Governor ug kanhi Claveria Mayor Antonio Bobong Calingin.
Kini ang gibutyag ni Police Master Seargent Noel Oclarit sa C-I-D-G. Matud ni Police Master Oclarit, nga taudtaud ang gihimo nilang pagsurveillance, aron matultolan ang nahimutangan ni Calingin.
Dugang pa ni Oclarit nga kasong malversation of government property ubos sa revised penal code 217 ang giatubang ni Calingin.
Nasayran nga gidakop si Calingin pinaagi sa warrant of arrest nga giisyu sa Sandigan Bayan 5th division, ubos sa Chairman nga si Associate Justice Honorable Rafael Erlagos sa Quezon City niadtong Abril 21, 2016 nga adunay piyansa nga 30 mil pesos.
Samtang wala matud pa gibali-bali ni kanhi Governor Antonio Bobong Calingin ang iyang kaso sa Sandigan Bayan kaniadto, hinungdan nga adunay laing warrant of arrest nga giisyu kaniya.
Kini ang hinungdan nga gipangita siya sa Criminal Investigation and Detection Group kon C-I-D-G Cagayan de Oro, ug nadakpan sa sityo Kiabo, Malitbog Bukidnon pasado alas dos kaganinang kadlawon.
Nasayran nga balay sa iyang anak ang gipuy-an ni Calingin sa Bukidnon, kinsa nahimutang sa tumoy sa bukid ug lisod matoltolan kung walay insaktong impormasyon.
