Kanhi Ozamiz Board Member Ricardo “Ardot” Parojinog, temporaryong prisohon sa P-N-P Custodial Center sa Camp Crame kung moabot na sa Pilipinas

Prisohon una sa P-N-P Custodial Center sa Camp Crame ang nasikop nga si Ozamiz City Councilor Ricardo “Ardot” Parojinog.

Kini ang gibutyag ni P-N-P Spokesperson Police Chief Supt. John Bulalacao kon ugaling moabot na kini sa nasud gikan sa Taiwan kauban ang mga otoridad sa Pilipinas.

Mahinumdoman, nga si Ardot nasikop sa mga otoridad sa Taiwan niadtong Mayo 23 sa gabii sa Pingtung County Taiwan.

Apan matud ni Bulalacao nga kung magpagawas og mando ang korte nga prisohon kini sa laing pasilidad, ila usab kining sundon.