Davao City – Gipusil-patay ang usa ka habal-habal driver nga giilang si Joseph Mahilum, alyas Otep, 43 anyos, residente sa Garcia Heights, Brgy. 19-B, ning syudad sa wala mailhing mamumuno nahitabo alas-9:30 sa sa adlaw’ng Lunes sa gabie, Nobyembre 11, 2019.
Migula sa imbestigasyon sa San Pedro PNP nga samtang namasada ang maong suspek sa maong area sakay sa iyang motorsiklo, kalit gipusil sa kaduha ka higayon ang tumong sa ulo gamit ang .45 nga pistol nga miresulta sa iyang hinanaling kamatayon samtang ang suspek daling miikyas paingon sa Bajada nga direksyon.
Nasayran sa pagpalawom sa imbestigasyon nga tuig 2012 nadakpan tungod sa iligal nga droga ang biktima apan na-avail kini og plea bargaining alang sa mas mubo nga sala rason nga nabuhian kini sa Ma-a City Jail kaniadtong Nobyembre 22, 2018.
Sa pagkakaron, nagpadayon ang follow-up investigation ang awtoridad alang sa pisibleng pag-ila sa suspek ingon man motibo sa pagpatay sa biktima.
Anaa na sa Angel Funeral Homes ang patay’ng lawas sa biktima.
RadyoMaN Jason Amisola, RadyoMaN Don Pulayao
