Patay ang usa ka kanhi priso human gipusil mga alas alas 9:45 kagabie sa Zone 3, Taboc, Opol, Misamis Oriental.
Ang biktima nailang si Muhammad Amer Jaron, hingkod ang edad, minyo ug taga Vamenta Subdivision, Barra, Opol, Misamis Oriental.
Matud ni Police Master Sergeant Arnel Acero sa Opol Municipal Police Station nga ang biktima dunay samad pinusilan sa ulo ug duha sa dughan.
Gidugang ni Police Master Sergeant Acero nga lakip si Jaron sa mga nipaubos sa rehabilitation program sa lokal nga kagamhanan ug kanhi nang napriso sa kasong may kalabutan sa druga.
Gisuta pa karon sa kapulisan ang motibo sa pagpatay sa biktima.
Facebook Comments
