Gibartolina sa Misamis Oriental Provincial Jail O MOPJ ang usa ka kanhi pulis human kini nagpa-live show sa kaubang piniriso sa maong pasilidad.
Kini ang gikumpirma ni MOPJ Warden Dominador Tagarda sa interview sa dxCC-RMN Cagayan de Oro.
Ang kanhi pulis mao si PO3 Alejandro Ubanan kinsa bag-ohay lamang gibalhin sa M-O-P-J gikan sa Lumbia City Jail.
Mahinumdoman, nga lakip si Ubanan sa lima ka pulis nga napriso tungod sa pagkalambigit niini sa pagdagit ug pagka-missing hangtod karon sa negosyanteng si Enrique Fernandez alyas Kiking ning syudad.
Gibutyag usab ni Warden Tagarda, nga napamatud-an sa Disciplinary Board sa ilang pasilidad nga mibayad og usa ka bayot ug laing lalaking piniriso si Ubanan nga iyang gipa-liveshow sa iyang atubangan ug nakita sa ubang piniriso.
Tungod sa nahitabo, gibartolina si kanhi PO3 Ubanan sa pito ka adlaw ug dili makadawat og bisita sulod sa usa ka bulan.
-o0o-
