Dumalinao, Zamboanga del Sur – Nadakpan sa tropa sa Provincial Drug Enforcement Unit(PDEU) sa Zamboanga Del Sur Police Provincial Office ang usa ka lalaki gumikan sa pagpamaligya og illegal nga droga sa Purok Manga, Barangay Camanga,sakop sa lungsod sa Dumalinao ning probinsya alas 11:00 sa gabii niadtong sabado.
Giila ang nadakpan nga suspek nga si Anthony Fernandez,26-anyos, vegetable vendor ug residente sa nasangpit nga lugar.
Base sa report sa PDEU, ang suspek apil sa liboan nga mga drug surenderee sa tibook nasod gumikan sa pagpayuhot sa drogang shabu.
Nipailalom matud pa ang suspek sa rehabilitation program sa LGU- Dumalinao apan niining bag-o lang nibalik sa iyang illegal nga buhat. Milatas pa sa usa ka semana nga gipanid-an sa otoridad ang suspek una gikasa ang buy bust operation.
Pinaagi sa tabang sa asset nga nagpatoong puseur buyer malampuson nga nadakpan ang target partikyular sa gawas nga bahin sa gipuy-an niini.
Wala na makalugnot ang suspek dihang gidakop human nakuhaan og tulo ka sa pakete sa gitoohang shabu, 500 pesos nga marked money ug cellphone.
Sa pagkakaron ang dinakpan gikustodiya sa PDEU lock-Up Cell nga nag-atubang sa kasong paglapas sa Comprehensive Dangerous Drugs Act of 2002.
