General Santos City–Posible matud pang imuon na lamang nga Special Operation Group ang City Drug Enforcement Unit (CDEU) nga gi pangunahan ni Police Senior Inspector Fernando Manuel Jr. human nga mimando si President Duterte nga subling tanggalan ang kapulisan ug katungod nga mag pahigayon ug operasyon batok iligal nga druga.
Sumala pa ni PSI Fernando Manuel nga sa kasamtangan nagpa-abot nalang sila sa kamanduan ni Oic City Director Police Senior Supt. Romeo Ruel Berango sa pagmugna sa bag-ong unit sa kapulisan.
Dugang pa ni PSI Manuel nga ang maong bag-ong unit ang maoy mutotok sa kriminalidad sa syudad sama na lang sa sunod-dunod nga pagpamusil patay sa mga gituohang motorcycle riding criminal.
Samtang dili usab masulti ni PSI Manuel nga nakakunhod sa trabaho sa kapulisan ang pag tang-tang kanila sa operasyon batok iligal nga droga tungod kay managsama lang matud pa ang trabaho nga ilahang ginahimo aron nga maminosan ang kriminalidad sa syudad. (Dave Silagan)
