General Santos City–Gipusil patay sa wala pa mailhing suspect ang usa ka Oliver Panes, Alyas Bebot, hamtong ang panuigon ug nanimuyo sa prk. Malipayon, barangay Labangal, alas 7:30 ang takna sa gabie sa Prk Malipayon, Barangay Apopong ning syudad.
Sumala pa ni Police Major Ananias Vasquez ang hepe sa Police Station 2 nga naga-inom matud pa ang nasangpit nga biktima kauban ang mga higala Sa Purok Malipayon, Barangay Apopong samtang nagtagay, mitindogmatud pa ang biktima dayon miadto sa dalan, pila lang ka minute ang nakalabay, nakadungog nalang ug masipang buto sa pusil ang mga kaubanan sa biktima.
Didto nakit-an nalang nga natumba na ang nahisgutan ug naligo na sa iyahang kaugalingong dugo human nga ma igo kini sa wala nga bahin sa iyang aping nga milapos sa ubus nga bahin sa iyahang ulo.
Dugang pa ni Major Vasquez nga ang nahisgutang biktima ang kanhing informant sa Police Station 2, apan dugay na matud pa kining walay koneksyon sa nahisgutan.
Dasi matud pa sa inisyal nga imbistigasyon sa kapulisan nga ayha nahitabo ang maong pagpamusil adunay nakalaban ang biktima sa iyahang boarding house haduol sa lugar kung asa nahitabo ang pagpamusil patay ngadto kaniya.
Sa kasamtangan blangko pa ang kapulisan sa mga identity sa mga suspect nga ug padayon pang ginasuta ang posibleng motibo niini.(Dave Silagan)
