Subling nasikop karon sa mga otoridad usa ka lalaki tungod sa pagpayuhot sa iligal nga druga. Kini human sa gilusad nga anti-illegal drug buy bust operation sa mga oepratiba sa City Drug Enforcement Unit kon CDEU nga gipangulohan ni PCapt. Mike Dioren Cavan alayon na sa RMFB-10 TSC ubos ni PMaj. Excyllo Alcantara diha sa dalang Velez, Brgy. 29 ning syudad sa Cagayan de Oro mga alas sais pasado kagabie, Enero 31 ning tuiga.
Naila ang dinakpan nga 34 anyos nga si Gerald Paglinawan nga residenti sa Adela Subdivision sa Brgy. Camaman-an ning syudad. Nasayran nga kanhi nang napriso ang maong dinakpan tungod ra gihapon sa kasong druga.
Napalitan sa usa ka sachet sa gituhoang shabu ang suspek balor 1000 pesos nga maoy hinungda sa iyang pagka-aresto. Samtang nakasibat ang kauban ni-ining usa ka sekyu sa usa ka gambalay sa maong lugar dihang nakamatikod kining mga operatiba sa kapulisan ang ka-transact ni Paglinawan.
Nasayran nga ilado ang maong dinakpan nga tigpayuhot sa iligal nga druga sa ilang lugar maong naa kini sa watchlist sa CDEU.
Atol sa pagkapkap sa dinakpan, nakuha gikan sa posisyon ni-ini ang laing 3 ka mga sachet sa gituhoang shabu nga gibana-banang motimbang sa 2 gramos nga moabot ang street value ngadto sa kapin 13 mil pesos. Lakip nga nakuha gikan sa suspek ang 1000 pesos nga buy bust money ug ang iyang cellphone nga maoy gituhoan nga ginagamit ni-ini sa iligal nga transakyon.
Gilayong gidala ang suspek sa Maharlika Detention Cell alang sa temporaryong pagkustodiya samtang giandam na ang kasong pagsupak sa Republic Act 9165 nga atubangon ni-ini ngadto sa korte.
Kasama mo sa CDEU, RadyoMaN Andy Coco, DXCC Tatak RMN!
