South Cotabato- patay ang usa ka preso human nga gipusil sa wala pa mailhing suspek duol mismo sa iyang panimalay sa may Purok Rizal, Barangay San Jose, Koronadal City.
Giila ang biktima nga si Rodelio Arandia, 49, kanhing preso sa Davao Penal Conoly ug residente sa nasampit nga lugar.
Nasayran nga nagsaulog pa sa iyang adlawng natawhan ang nasangpit nga biktima, nilakaw kini kadali ug pagbalik niini, didto na kini gipusil sa kubo duol sa ilang panimalay. Paspas nga nakasibat ang mga suspek human sa insidenti samtang ang biktima nakabsan gyud sa iyang kinabuhi.
Sa karon padayon ang gihimong imbistigasyon sa kapulisan kalabutan sa insidenti. Nasayran nga ang biktima nakagawas sa DAPECOL niadtong lang tuig 2016.
Facebook Comments
