General Santos City—Patay ang usa ka kanhing preso nga nailang si Enir Cagas, residenti sa Barangay Lagao Gensan human gipusil sa wala pa mailhing suspek alas 4:00 pasado ang takna kagahapong adlawa duol sa may hall of Justice ning syudad.
Sa initial investigation sa Police Station 3 nasuta nga gikan sa iyang trabaho ang biktima sa may hall of justice pauli na kini sa ilang panimalay dihang kalit gipusil sa mga suspek igo sa nagkandaiyang parti sa lawas.
Gidala pa sa ospital ang biktima apan gideklara kining dead on arrival.
Sumala ni Vangie Alagos, igsuon sa biktima nga sa karon wala pa gyud sila masayod unsay motibo sa pagpamusil sa iyang manghod apan giangkon niini nga kanhi nang napriso sa Police Station 3 ang biktima gumikan sa iligal nga droga.
Sa karon nagpahigayon nag lawom nga imbistigasyon ang Police Station 3 kalabutan sa maong insidenti.
