Gisiguro sa Provincial Agriculture’s Office sa probinsya sa Bukidnon nga walay pag-ubos sa produksiyon sa humay ug mais sa lalawigan.
Sa interview sa RMN Malaybalay ngadto kang Provincial Agriculturist Engr. Alson Quimba, gibutyag niini nga walay pag-ubos kung ang production sa humay na ang hisgutan.
Matud ni Quimba nga sa karon adunay kinatibuk-ang 43,000 ka ektarya sa humayan sa Bukidnon diin gibana-banang 30 ka ektarya niini mga irrigated.
Samtang sa mais, wala usay pag-ubos sa production tungod sa padayon nga assistance o ayuda nga gihatag sa panggamhanang probinsyal sa Bukidnon.
Sigun pa sa opisyal nga surplus ang Bukidnon sa pagkaon kung basehan ang production.
Gipasabot usab niini nga bisan pa man nga surplus sa production ang probinsya dili kalikayan nga adunay mga katawhan ang kulang sa pagkaon sa ilang mga tagsa-tagsa ka mga lamisa butang nga dili usab nila kontrolado.
