Wala makalikay ang KAPA ministry satellite office sa Igpit, Opol, Misamis Oriental sa simultaneous raid kagahapon sa hapon sa mga elemento sa National Bureau of Investigation kon NBI, Criminal Investigation and Detection Group kon CIDG ug Securities and Exchange commission kon SEC.
Mga alas dos kagahapon sa hapon, lakip sa girunda sa NBI ang KAPA Ministry office sa Igpit, Opol, pinasikad sa search warrant.
Lakip sa nakuha sa NBI, ang mga documents, kuwarta ug uban pang mga importanting mga butang nga gigamit sa KAPA Management sa ilang Money donation Operation sa Misamis Oriental.
Matud ni NBI Regional Director Patrecio Bernales nga ang ilang pagrunda sa KAPA satellite ministry office sa Igpit, Opol sabay sa pag-pangrunda sa NBI ug CIDG didto sa General Santos City, Tagum City sa Davao del Norte ug uban pang mga lugar sa Mindanao.
