Kapa walay permit mag rally sa Davao

Davao City – Walay nadawat nga aplikasyon sa permit ang Public Safety and Security Command Center (PSSCC) gikan sa Kapa-Community Ministry International, Inc. (KAPA) aron magpahigayon og rally dinhi sa syudad sa Davao.

Kini ang gikumpirma ni PSSCC head Benito de Leon atol sa interbyu kaniya sa Davao media subay sa panawagan ni Kapa founder Joel Apolinario nga magpahigayon og prayer rally sa kadalanan sa adlaw’ng Lunes, Hunyo 10, dinhi sa syudad sa Davao.

Saysay ni de Leon nga mamahimo gihapong magpahigayon og rally apan sigurohong legal lamang ug mi-agi kini og proseso.


“Anybody can do a rally as long as they have permits and so far KAPA is concerned wala naman silang permits (that) we have known tapos kung KAPA wala naman silang opisina dito sa Davao and if this are concerns outside of the City sana din a nila guluhin pa ang Davao,” kanayon sa PSSCC head.

Bahad sa kanhi police officer nga manubag gayud ang mga lider sa maong grupo kung makalapas kini sa mga ginapatumang ordinansa sa syudad sa Davao.

“We will make them understand that we have certain ordinances and if they cause any disturbance in the process they will have to be answerable,” segun niini.

Hinuon gipaniguro ni de Leon nga andam kanunay ang pwersa sa awtoridad aron mapaniguro ang kahapsay ug kalinaw ning dakbayan sa Davao.

RadyoMaN Jason Amisola

Facebook Comments