{Imahe manipud iti Aljazeera.com}
iFM Laoag – Inpasingked ni Mr. Michael Madamba, Professor iti Political Science iti Divine Word College of Laoag a makitana iti gagar dagiti tattao sadiay Manila a mangiyuswat iti rally ita nga aldaw Pebrero 25, kaaldawan iti “Edsa People Power.”
Mamati iti Professor a nakasagan dagiti naruay a raliyista kontra iti administrasion a matipon manen ita nga aldaw tapnun atakerenda ni Presidente Rodrigo Duterte partikular iti grupo a ‘Tindig Pilipinas.’
Kinunana a dagiti agdama nga isyu itatta ditoy Pilipinas ti manggundaway a mangiyuswat iti rally kas kuma iti franchise renewal iti ABS-CBN, relasion iti Pilipinas ken Amerika, pakairamanan iti iligal a droga, ekonomia ken dadduma pay.
Imbatadna nga iti Edsa People Power ket saan a maibasar gapo iti rally a mapaspasamak iti Metro Manila, nu di ketdi masapol nga adalen dagiti agtutubo nu apay a maselselebrar daytoy, saan laeng a dagiti adda iti libro nu di ket ti husto a pakasaritaan iti Philippine History tapnon maawatanda iti pakabuklan nga istoria.
Inkonektarna daytoy agsipodta iti henerasion itatta ket awanda pay a nakaimatang kadagiti pasamak iti naglabas isu a saanda nga ammo no anat agpaypayso kangrunaanna kadagiti nakalatag wenno nakaposte kadagiti dadduma a pagsakdoan iti impormasion.
Kinunana a dakkel a karit iti agdama nga administrasion dagiti isyu a mapaspasaran iti pagilian nu sadinno pasetna ditoyen dagiti rally a pakiparpartisiparan payen dagiti agtutubo.
Gapu iti daytoy inpakaammona a malaksid kadagitoy nga isyu ken epekto iti Edsa People Power ita nga aldaw ket masapol nga agbalin a vihilante iti publiko ken agobserbar iti mapaspasamak iti uneg ti administrasion babaen iti konstitusion, saan ketdi a dagiti biddot iti napalabas a makaapektar ti pagdur asan iti pagilian. (Joe Anne J. Agustin, RMN News)
