Dapat nga pabakuron na sang provincial government ang kapasidad sang mga district hospitals sa Negros Occidental bilang preparasyon sa tion nga makapatigayon na sang mass testing may angut sa COVID-19 pandemic.
Sa interview sang DYHB kay Dr. Julius Drilom, Medical Director sang Corazon Locsin Montelibano Memorial Regional Hospital, ginpahayag sini nga samtang yara pa sa General Community Quarantine (GCQ) ang Negros Occidental, dapat tinguhaan na sang gobyerno ang pagpabakod sang kapasidad sang 11 ka district hospitals.
Bangud suno sa iya nga kon makapatigayon na sang mass testing, paga-lauman man ang pagsaka sang COVID-19 positive kag magakinahanglan ang mga ini sang lugar nga butangan.
Samtang, nagapati si Dr. Drilon nga indi matuod ang ginakahangaw-an nga wave 2 ukon wave 3 sang coronavirus sa Pilipinas, bangud kun lantawon wala pa nagakapatigayon sang husto nga testing agud matumod ang matuod nga sitwasyon sang pandemic sa Pilipinas.
Nagapati man si Dr. Drilon nga ang ginapahayag wave 2 sang virus sa Japan kag South Korea ang kabahin sa gihapon sang una nga outbreak nga wala lang na-confirm bangud wala man sila nadala sa una nga mass testing.
[image: image.png]
